Policia në Vaun e Dejës ka arrestuar një 33-vjeçar i cili i kishte vënë zjarrin një sipërfaqeje toke.
Mësohet se 33-vjeçari duke iu vënë zjarrin bimëve në anë të aksit rrugor, rrezikoi përfshirjen nga flakët, të mjeteve të qarkullonin në këtë aks, si dhe të sipërfaqeve të mbjella dhe të banesave përreth.
“Shërbimet e Komisariatit të Policisë Vau i Dejës, pas njoftimit se një shtetas iu kishte vënë flakën shkurreve dhe barishteve, në anë të aksit rrugor “Bushat-Barbullush”, kanë organizuar punën dhe kanë mbërritur menjëherë në vendngjarje.
Si rezultat i bashkëpunimit të ngushtë me komunitetin e zonës, u bë e mundur kapja në flagrancë dhe arrestimi i shtetasit, 33 vjeç, banues në Trush.
33-vjeçari, duke iu vënë zjarrin bimëve të ulëta, në anë të aksit rrugor, rrezikoi përfshirjen nga flakët, të mjeteve të qarkullonin në këtë aks, si dhe të sipërfaqeve të mbjella dhe të banesave përreth”, tha policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./Opinion.al
