Është përcjellë për në banesën e fundit 61-vjeçari Xhevahir Hoxha, i cili ditën e djeshme vrau bashkëjetuesen e djalit dhe më pas veten.
Ngjarja e rëndë ndodhi ditën e djeshme në fshatin Vidhishtes në Roskovec, ku viktimë mbeti 30-vjeçarja Merushe Hazizi. Ndërsa pas krimit të rëndë 61-vjeçari u vetëvra në një pemë pas shtëpisë.
Mësohet se në ceremoninë mortore të kryer sot, morën pjesë pak familjarë e të afërm të cilët përcollën në heshtje për në varrezat e fshatit 61-vjeçarin.
Sipas dëshmive të të afërmëve dhe banorëve të zonës shkak i vrasjes së 30-vjeçares është bërë fakti se ajo kishte qenë më parë e martuar dhe ishte nënë e 3 fëmijëve. Gjë që Xhevahiri nuk e kishte pranuar pasi djali i tij, Fatjon Hoxha, ka qenë i martuar me parë dhe ka 1 fëmijë 9 vjeç me gruan e parë.
Por prej rreth 3 vitesh ai bashkëjetonte me Merushen dhe jetonin në Vlorë me qira, ndërsa rreth 1 muaj me pare u kthye në fshat te prindërit e tij. 61-vjeçari nuk e donte Merushen por donte që djali të mbante për nuse gruan e parë me të cilën ka 1 fëmijë.
Mësohet se 30-vjeçarja Merushe Hazizi është përcjellë për në varrezat e fshatit Suk1 nga familjaret e saj, jashtë syrit të medias, ndërsa “News24” raporton se djali Fatjon Hoxha, ka qenë pjesë e ceremonisë mortore të babait të tij./Opinion.al
