InstaBIZ

I vranë të vëllain, modelja shqiptare del për herë të parë në publik


               Publikuar në : 10:35 - 28/01/20 |
el ida

Modelja e njohur shqiptare, Misse Beqiri është parë për herë të parë në publik që prej kohës kur vëllai i saj ndërroi jetë nga një atentat mafioz.

Ylli i reality showt “The Real Housewives”, është fotografuar duke shëtitur me të birin Julian, dhe vajzën River, pesë javë pasi vëllai i saj Flamur (Alex) Beqiri, u qëllua për vdekje në Londër.

Modelja me origjinë shqiptare mbante në gisht një unazë diamanti dhe sipas “MailOnline”, partneri i ka ripropozuar gjatë periudhës së Krishtlindjes, për të nisur një kapitull të ri në jetën e tyre.

“Ajo që ndodhi i bëri ata të dy të kuptojnë se çfarë është më e rëndësishme, familja, kështu që natyrisht i afroi ata më pranë. Ripropozimi nënkupton një kapitull të ri për ta si familje”, shkruhet në artikull.

Kujtojmë se i vëllai i modeles u vra para gruas së tij në shtëpinë e tyre luksoze me vlerë 1.5 milionë paund. 3 vite më parë, Beqiri emigroi në Angli, duke u marrë kryesisht me menaxhimin e një studioje muzikore por pavarsisht angazhimit artistik e kaluara e 36-vjeçarit ishte e lidhur me krimin.

Në vitin 2008, ai u shpall si një nga personat më të kërkuar në Suedi si anëtar i një grupi të organizuar kriminal që trafikonte lëndë narkotike në vendin skandinav, akuzë për të cilën ai nuk u dënua kurrë./Opinion.al

1 2 3 4
<
>

Pas