Policia e Sarandës ka arrestuar një 19-vjeçar, pasi ka grabitur më 31 dhjetor një shumë prej 400 eurosh.
Sipas uniformave blu dyshohet se i riu më datë 31 Dhjetor 2024, në lagjen nr. 3, Sarandë, i ka vjedhur me dhunë shumën prej 400 Eurosh një punonjësi lavazhi.
“Shërbimet e Komisariatit të Policisë Sarandë, në vijim të punës për parandalimin e vjedhjeve, zbardhjen e rasteve të ndodhura dhe vënien e autorëve përpara përgjegjësisë ligjore, organizuan punën për identifikimin dhe ndalimin e autorit të një rasti të vjedhjes me dhunë në qytetin e Sarandës. Si rezultat, u bë i mundur ndalimi i shtetasit:
I. A., 19 vjeç, banues në Sarandë.
Nga veprimet hetimore dyshohet se ky shtetas, më datë 31.12.2024, në lagjen nr. 3, Sarandë, i ka vjedhur me dhunë shumën prej 400 eurosh një punonjësi lavazhi”, njofton policia.
Materialet procedurale u referuan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme./Opinion.al
