Policia ka arrestuar një 33-vjeçar në Përmet pasi i vodhi celularin shtetasit italian në vendin e quajtur “Banjat e Bënjës”.
Uniformat blu bëjnë me dije se kanë vënë në pranga shtetsin E. Q., 33 vjeç, banues në fshatin Malshovë, Përmet.
Policia ka reaguar menjëherë pas marrjes së kallëzimit nga një shtetas italian, se i kishin vjedhur celularin, duke identifikuar dhe kapur autorin e dyshuar.
“Shërbimet e Komisariatit të Policisë Përmet, menjëherë pas marrjes së kallëzimit nga një shtetas italian, se i kishin vjedhur celularin, në vendin e quajtur “Banjat e Bënjës”, Përmet, kanë organizuar punën për identifikimin dhe kapjen e autorit.
Si rezultat i veprimeve të shpejta hetimore dhe procedurale nga Policia, është identifikuar, kapur dhe arrestuar autori i dyshuar i vjedhjes së celularit të 23-vjeçarit italian, shtetasi E. Q., 33 vjeç, banues në fshatin Malshovë, Përmet”, tha policia.
Materialet procedurale i kaluan Prokurorisë pranë Gjykatës së Shkallës së parë të Juridiksionit të Përgjithshëm Gjirokastër, për veprime të mëtejshme, për veprën penale “Vjedhja”./Opinion.al
