Dy punonjës të një kompanie private në kryeqytet janë proceduar pas dyshimeve se kanë vjedhur në subjektin ku punonin shumën prej 3 milion e 500 mijë lekësh të reja. Policia njofton se 34-vjeçari A.D. është ndaluar, ndërkohë që është proceduar në gjendje të lirë 35-vjeçarja J.D.
“Nga specialistët për Hetimin e Krimit Ekonomik dhe Financiar u bë ndalimi i shtetasit A. D., 34 vjeç, me detyrë menaxher i një kompanie private, si dhe u procedua në gjendje të lirë shtetasja me iniciale J. D., 35 vjeçe, pasi në bashkëpunim me njëri-tjetrin, kanë vjedhur shumën 3.500.000 lekë të rinj në subjektin ku punonin”, thuhet në njoftimin e Policisë./Opinion.al
