I vinte era çorape, policia arreston futbollistin e njohur

Policia indiane ka arrestuar futbollistin e njohur në Indi, Jeje Lalpekhlua vetëm se i vinte era e çorapeve. Kjo gjë ka shqetësuar pasagjerët të cilët e kanë kallëzuar menjëherë rastin në polici. Personi në fjalë i cili është futbollist në ligën indiane hoqi këpucët dhe çorapet në autobusin që shkonte nga shteti pranë Himalajave, Himachal Pradesh në Nju Delhi dhe i vendosi poshtë sediljes, deklaroi policia fillimisht. Pasagjerët janë irrituar dhe i kanë kërkuar t’i hidhte çorapet, por Lalpekhlua ka refuzuar duke u përballur fizikisht, aq sa detyroi shoferin e autobusit të ndalonte pranë një stacioni policor. Futbollisti ka kërcënuar pasagjerët e tjerë dhe ka shkaktuar telashe edhe në stacionin e policisë. Ai u largua me tjetër autobus një ditë më pas, teksa ngulmonte se çorapet e tij nuk vinin erë.