Emisioni “Stop” në Tv Klan ndodhet në qytetin e Kavajës, pasi kryefamiljari Ilir Halili ka mbetur me 6 fëmijët e tij jetimë, nga mosha 1 deri ne 16 vjeç, pasi bashkëshortja ndërroi jetë nga një sëmundje e rëndë.
Iliri është detyruar të bëjë nënën dhe babain për fëmijët, duke mos pasur mundësi as të punojë. Të ardhurat e Ilirit janë 160 mijë lekë të ndihmës ekonomike, dhe 80 mijë lekë të kempit të djalit, që vu an nga astma dhe prapambetja mendore. Ai kërkon, që bashkia ta ndihmojë me punësim e të bëjë diçka për banesën e tij.
“Bashkëshortja ime ka ndërruar jetë nga sëmundje e rëndë, unë aktualisht jam pa punë dhe kam gjashtë fëmijë nga mosha një vjeç e gjysmë deri në 16 vjeç. Nuk kam mundësi që ta përballoj, kushtet janë shumë të vështira. Kam vetëm një ndihmë ekonomike prej 160 mijë lekësh të vjetra. Kam dhe një djalë me astmë që është 16 vjeç dhe me prapambetje mendore dhe trajtohet me një kemp është 87 mijë lekë të vjetra. Këto janë të ardhurat e mia, prandaj dhe u drejtova tek ‘Stop’ sepse të ardhurat e mia janë të pakta dhe është e pamundur që unë t’i dal ballë familjes. Kushdo që e shikon emisionin ju lutem të më ndihmojnë me aq sa të kenë mundësi”, apelon Ilir Halili.
Stop” dhe “Fundjavë ndryshe” sigurojnë ushqime. Nga ana tjetër, në terren për të parë situatën vjen edhe Shefi i Kabinetit të Kryebashkiakut, Sedat Mahmutaj, si dhe sektori i ndihmës ekonomike dhe Shërbimit social.
Bashkia e Kavajës do ta ndihmojë këtë familje me ndihma, fëmijët e vegjël do shkojnë në çerdhe dhe kopsht, ndërsa babai, është punësuar nga Bashkia, e cila do të mundësojnë edhe riparimin e banesës. Veç kësaj, zyra arsimore dhe gjimnazi i qytetit kanë mbledhur të holla për të ndihmuar familjen në pamundësi ekonomike./tvklan.al
