Një 60- vjeçar është arrestuar nga policia pasi zjarri që ndezi për të djegur mbeturinat, doli jashtë kontrollit dhe u përhap në një sipërfaqe të madhe në Rrogozhinë.
Gëzim Shima dyshohet se ka ndezur zjarr në tokën e tij, për të djegur mbeturinat, por zjarri ka dalë jashtë kontrollit dhe si pasojë e përhapjes së flakëve është djegur një sipërfaqe e konsiderueshme toke me pemë të ndryshme (kryesisht ullinj) dhe binarë të trasesë së hekurudhës Rrogozhinë-Peqin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Policia apelon po ashtu që banorët të mos ndezin zjarre, pasi do të përballen me ligjin.
