Një 63-vjeçar nga Berati ka tentuar të kryejë vetëvrasje, duke u lyer me benzinë e më pas duke i vënë flakën vetes. Ngjarja ka ndodhur në lagjen “Çelepias”, ndërsa kanë qenë kalimtarë të rastit që kanë njoftuar policinë duke e transportuar me urgjencë në spital.
Shkak për këtë veprim ekstrem është bërë varfëria. 63-vjeçari Xhevair Gjozi ka thënë nga spitali pwr “News 24” se nuk e do më jetën për shkak se nuk kanë bukë të hanë, megjithatë dyshohet se ai ka edhe probleme të tjera.
Gjozi është i sëmurë dhe i paaftë për punë, ndërsa prej shumë vitesh nuk merr as pension dhe as kemp. Bashkëshortja e tij, Zhaneta Gjozi bën apel për ndihmë, pasi dy bashkëshortët nuk kanë asnjë të ardhur ekonomike.
Ndërkohë, mjekët e spitalit të Beratit thonë se Xhevair Gjozi ka pësuar djegie të shkallës së dytë, por është jashtë rrezikut për jetën./Opinion.al
