Aksidenti ku mbeti i vdekur Albano Dardha dhe u plagos drejtuesi i mjetit Marcelino Polisi ka përplasur në emision “Me zemër të hapur” prindërit e tyre. Nëna e viktimës akuzon të mbijetuarin njëkohësisht shoferin e automjetit me të cilin udhëtonin të rinjtë, Marcelino Polisi se ka qenë duke ecur me shpejtësi. Aksidenti ka ndodhur më 1 tetor 2016 ne rrugen Fier-Shegan – Kocove.
Vjollca Butka pretendon se aksidenti ishte i qëllimshëm, i paramenduar:
“Në datën 1 unë ika në punë dhe djalin e lashë në gjumë, djali ka ikur në Tiranë për të marrë një motor, e kam marrë djalin rreth orës 3, e pyeta a kishte ngrënë drekë, nuk ma tha se ishte në Tiranë, pas asaj nuk kam folur më.
Djali ka qenë me rrip, ka zbritur për të marrë për të ngrënë, në atë rrugë aq të drejtë edhe një që nuk di të ngasë makinën nuk e shpjegoj dot si është bërë aksidenti. Në kohën e aksidentit, djali që e bëri ka lajmëruar të atin, se i zoti i makinës kishte ikur shumë para.
Djali ka vajtur i vdekur në spital, makina ka bërë tre hedhje të papara, kur futesh në fshat ka ujë, dhe makina është hedhur në ajër dhe është kthyer në drejtim të Lushnjes, djali ka qenë i pavëmendshëm se e dija fizikun dhe do kishte tentuar të mbrohej, ai kishte dalë nga xhami dhe ka fluturuar në tokë të fshatit, atje e gjetën.
Zotëria merrej në spital me gjëra që mua nuk më hyjnë në punë se nuk kisha ndonjë konflikt, gjërat deri në këtë pikë i ka cuar ai, si e prunë djalin lart, nuk është vrarë fare, ka vetëm shenjën e rripit nga forca që është hedhur dhe tërë goditjet janë në pjesën e pasagjerit, nuk e ka keqtrajtuar fare policia. Ai ka akuzuar për keqtrajtim. Shokët e djalit tim ma morën në krahë ma cuan në varreza, ai nuk i hodhi një dorë dhe, e vrau dhe nuk erdhi t’i hidhte një dorë dhe.
Si mundet të dalin dy versione, fillimisht doli delja, pastaj doli makina. Kur prunë djalin lart i kanë thënë ku i kanë telefonat, telefoni i djalit e kishte babai i autorit. Dua kartën e memories se kam fotot e djalit, nuk e di arsyen, nuk më janë dhënë, kur janë kthyer nga Tirana deri këtu, kanë bërë video rrugës. I kërkova se i kisha blerë një bluzë para dy ditësh dhe nuk ia pashë veshur. I zoti i makinës ka qenë në shtëpinë time dhe ky zotëria i kërkonte lekë për të nxjerrë djalin e tij nga burgu.
