Kryetari i Grupit Parlamentar Socialit, Taulant Balla në një prononcim për mediat i është përgjigjur edhe pyetjeve të gazetarëve, në lidhje me zhvillimet e fundit.
I pyetur nëse i trembet PS sanksioneve të paralajmëruara nga SHBA, për aktorët e përfshirë në korrupsion në Ballkanin Perëndimor? Balla ka thënë se forca politike që ai përfaqëson do të heqë dorë nga çdo lloj mbështetje për këdo që vihet nën akuzë për korrupsion.
“PS e përshëndet, por është e vetmja forcë politike në këtë vend që ka vendosur një standard të pamohueshëm në politikë ku çdo përfaqësues i saj është vendosur nën akuzë për korrupsion apo vepra penale të tjera, PS ka hequr çdo lloj mbështetje e do vazhdojë të heqë çdo lloj mbështetje për këdo”-tha ai./Opinion.al
