Kryeministri Edi Rama deklaroi para grupit parlamentar të PS se ka informuar ministrin e Drejtësisë për intimidimin që i është bërë një nëne me dy fëmijë.
Rama deklaroi se i është thënë “o do pranosh këtë, ose do ta hash më keq sesa ata të cilët duhet ti zhysësh brenda”.
Ai tha se nuk mund ta pranojnë që njerëzit merren dhe intimidohen si person në dijeni, pa ju dhanë as status vetëm që të mos marrin avokatin.
”Nuk mund ta pranojmë ne që SPAK është një redaksi lajmesh me një grup gazetarësh që tundin dosjet përpara se vetë ata që janë brenda të marrin lajmin që janë të akuzuar. Nuk mund ta pranojmë ne që njerëzit merren dhe intimidohet atje si personi në dijeni pa ju dhanë as status vetme e vetëm që të mos marrin avokatin.
Se nuk dua të flas, Kam informuar ministrin e Drejtësisë për një intimidim tjetër, të një nene me dy fëmijë, të cilës i kërkohet të bëjë atë që nuk ka bërë. I thuhet o do pranosh këtë, ose do ta hash më keq sesa ata të cilët duhet ti zhysësh brenda.
Po kostot financiare të gjithë kësaj, a duhet ti kemi parasysh apo jo? Duhet ti kemi pparasysh se cfarë po paguajnë shqiptarët për këtë përpjekje? Kjo është normale se kur paguan një prokuror dhe një gjykatës më shumë sesa presidenti apo deputetet do ti kërkosh edhe standarde se nuk shkon”, tha Rama.
