Një ndër blogeret më të njohura në botë, e cila shfaq mënyra të ndryshme grimi dhe veshje duke frymëzuar vajzat e reja, ka ardhur me një mesazh.
Nabela është një ndër viktimat e bulizmit në internet dhe ka treguar disa gjëra për gjithë të rinjtë që preken nga kjo gjë.
Në videon që publikoi në rrjetin e saj sociale shkroi në fytyrë fjalët që e kishin lënduar dikur si dhe vazhdoi me një shkrim duke treguar se e do veten.
“Në 2017, më quajtën derr, të shëndoshë, monstër. Më thanë të vrisja veten për mënyrën si dukesha. Kam marrë qindra mesazhe të tilla gjithë vitin dhe ka ndodhur disa herë që këto fjalë të më shkatërrojnë. Por vetëbesimi im u forcua, u bëra fortesë e dashurisë për veten që nuk duhet të thyhet nga fjalët e njerëzve të palumtur. Unë mësova shpejt që njerëzit e lumtur nuk thonë gjëra të dhimbshme. Lumturia fillon që nga dashuria për veten.
Vajza që shoh në pasqyrë është e bukur me dhe grim, edhe nëse është masa 6 apo 16. Kështu me fillimin e 2018, lë pas të gjitha fjalët që më lënduan dikur, të gjitha dyshimet që dikur më kontrollonin. Akush nuk mund të na thotë kush jemi. Ne jemi të magjishëm, të bukur dhe të vlefshëm. Kjo video është një fitore e vogël e dashurisë sime për veten dhe nuk mund të pres që të vazhdoj betejën në 2018. Unë nuk jam gjërat që ata thonë se jam,” – shkruajti Nabela në Instagram.
