“I suksesshëm jashtë Shqipërisë” sot në Opinion

“I suksesshëm jashtë Shqipërisë”, do të jetë kjo tema në të cilën do të fokusohet “Opinion”, për ditën e sotme. Një panel shumë interesant të ftuarish do të shoqërojnë përreth dy orë, moderatorin dhe gazetarin, Blendi Fevziu. Këngëtarja Bleona Qereti, violinisti me famë botërore Olen Cesari, aktori i mirënjohur Laert Vasili, balerina Enada Hoxha, fotografi Endrit Mërtiri dhe modelja Xhesika Berberi, do të diskutojnë rreth vështirësive dhe konkurrencës së fortë në vendet ku ata dëshirojnë të bëjnë karrierë. Përballë tyre do të jenë edhe gazetarët Iva Tiço e Blendi Salaj. Bleona Qereti do të publikojë për herë të parë në një televizion shqiptar edhe videon e këngës së saj të fundit, “Take You Over” e cila është renditur në vendet e para në Amerikë e Britani.