Detaje të reja kanë dalë nga atentati që iu bë këtë të shtunë 27-vjeçarit Aleksandër Sadikaj, makina e të cilit shpërtheu teksa ishte në ecje.
Hetuesit dyshojnë që shpërthimi i eksplozivit në makinën e të riut është aktivizuar me telekomandë. Sipas Tv klan kjo pistë ka çuar në dyshimin tjetër që autori/ët të mos kenë qenë larg vendit të ngjarjes, për shkak të mekanizmit që kërkon shpërthimi i tritolit me telekomandë.
Po ashtu mësohet se tritoli ishte vendosur në pjesën e përparme të makinës tip “Benz” të 27-vjeçarit Sadikaj.
Ndërkohë Aleksandër Sadikaj rezulton të jetë një person me prededentë të mëparshëm penalë. I riu rezulton të jetë i hetuar për një tentativë vrasjeje, por edhe i skeduar për aktivitete kriminal si vjedhja dhe droga.
Ndërkohë policia ka sekuestruar kamerat e sigurisë me qëllim identifikimin e autorëve ndërsa pista kryesore e hetimeve mbetet e shkuara e të riut.
27-vjeçari Aleksandër Sadikaj udhëtonte i vetëm me Benz. Fillimisht i riu u dërgua në spital, por nuk mund t’iu mbijetojë plagëve të marra.
