Deputeti i PD-së, Helidon Bushati, i cili rikandidon në Shkodër i katërti në listë ka vendosur të tërhiqet nga gara.
Me anë të një shënimi në Facebook, Bushati shkruan se ka vendosur për t’u tërhequr nga lista ku gëzon një vend të sigurtë, renditur i katërti, me arsyen e hapjes rrugë një maksimalizimi të rezultatit të Partisë Demokratike në këto zgjedhje.
Shënimi i plotë:
Të dashur miq
Jam fort i privilegjuar, dhe i nderuar që zoti Basha me bëri pjesë të ekipit të tij, dhe akoma më shumë ndihem nën përgjegjësi, për këtë rol që më është ngarkuar.
Pikërisht, nisur nga këto detyrime që ndjej, duke analizuar rrethanat politike e specifike të Qarkut të Shkodrës, kam vendosur të tërhiqem nga lista, ku unë gëzoj një vend të sigurtë fitues, i renditur i katërti, për ti hapur rrugën një maksimalizimi te rezultatit te Partisë Demokratike në këto zgjedhje.
Unë besoj se politika nuk është vetëm të marrësh, por edhe të japësh. Po e bëj këtë hap, për interesin më të mirë të demokratëve, para të cilëve, dhe para qytetarëve të Shkodrës, do të jem gjithnjë në shërbim.
FITORE!
