Fotoja e mëposhtme i përket 21-vjeçarit, Aldi Rama në momentin kur u gjet nga autoritetet policore, pas operacionit disa orësh për kapjen e tij.
21-vjeçari qëlloi veten me armë ndërkohë që ndodhej i fshehur. Ai dyshohet se kishte kohë që ishte vetëqëlluar me pistoletë kur u gjet nga forcat speciale.
Siç shihet dhe nga fotoja i riu është i shtrirë në tokë dhe qëndron i pa lëvizur, kur është gjetur nga punonjësit e policisë.
21-vjeçari u dërgua në gjendje të rëndë në spitalin e Traumës në Tiranë, ku më pas humbi jetën mëngjesin e sotëm.
Burime pranë grupit hetimor për Klan News bëjnë me dije se autori Aldi Rama ka pasur me vete dy krëhëra postolete. Njërin prej të cilëve e kishte hedhur në vendngjarje pasi qëlloi 44 vjeçarin Hoxha. Tjetri u gjet në vendin ku 21-vjeçari Rama qëlloi veten.
Sipas grupit hetimor, fillimisht Rama ka qëlluar ndaj efektivit nga sendilja e pasme e mjetit me një plumb në qafë. Ka dalë nga makina për t’u ulur në vendin e shoferit dhe aty e ka qëlluar me një plumb në bark duke i përshkruar pranë zemrës.
Në vendngjarje u gjetën 8 gëzhoja pistolete TT e autorit dhe 7 të tjera gëzhoja të armëve të efektivëve të tjerë, kolegë të Saimir Hoxhës.
E gjithë ngjarja ka ndodhur 500 metra nga parcela ku efektivët kishin asgjësuar 110 rrënjë kanabis. Mostrat e lëndës narkotike u gjetën në makinën e policisë.
Ngjarja e rëndë ndodhi orës 10:30, në Lezhë, ku u qëllua me armë zjarri në drejtim të grupit të kontrollit të territorit për parandalimin e kultivimit të bimëve narkotike./Opinion.al
