Mamoudou Gassama, 22 vjeç nga Mali jetonte ilegalisht në Paris, dhe tashmë nuk është më i tillë. Ai është hero i Parisit dhe ka marrë menjëherë nënshtetësinë franceze.
Video ku emigranti 22 vjecar ngjiti me guxim katër kate duke u kacavjerrur në ballkone për ti shpëtuar jetën një fëmije 4 vjec ka bërë xhiron e rrjetit.
Ngjarja ndodhi në fundjavë, ku një fëmijë vetëm 4 vjeç i kishte shpëtuar vemendjes së prindërve dhe kishte përfunduar në parmakun e ballkonit. Jeta e tij u shpëtua nga Mamoudou Gassama. Ky i fundit tha se kishte parë një grup njerëzish të mbledhur në rrugë që ulërimin. Aty për aty kishte vendosur ti shpëtonte jetën fëmijës. Dhe brenda një minuti arriti të ngjitej në pallat (shih pamjet).
Humanizmi dhe guximi i treguar u vlerësua shumë. Sot, Presidenti francez Emmanuel Macron e priti emigrantin në Pallatin Elysee në Paris dhe pasi e falenderoi i dha atij një medalje mirënjohje si dhe e njoftoi se do të fillonte punë pranë zjarrfikëses. Po kështu Gassama do të marrë direkt nënshtetësinë franceze.
/Opinion.al
Les héros ne portent pas de cap. ?? #Paris pic.twitter.com/QrOn3YB4Q7
— •NubiΔΠ• (@Adil__Brown) May 27, 2018
