Pasditen e kësaj të hëne një 46-vjeçar nga Berati ka qenë shënjestër e një atentati në fshatin Dushnik.
Ngjarja ka ndodhur rreth orës 16:10, kur ndaj 46-vjeçari Altin Halili, është qëlluar me armë zjarri, teksa lëvizte me automjet.
Nga të shtënat ai nuk ka pësuar lëndime. Pas minuta pas atentatit u gjet një automjet i djegur në fshatin Kozare të Beratit, që dyshohet se u përdor nga autorët për atentatin e dështuar ndaj Halilit.
Nga verifikimet, Halili rezulton person me precedent të mëparshëm kriminal. 46-vjeçari ka qenë i dënuar më parë për vrasje. Për këtë edhe ka vuajtur dënimin prej 15 vitesh me burg prej të cilit ka dalë në vitin 2010.
Halili ka vrarë Sokol Kaloshin në fshatin Rremas të Lushnjes. Nuk dihet nëse ngjarja e sotme ka lidhje me të shkuarën e tij kriminale apo të ndonjë konflikti të ndodhur së fundmi.
