Të tjera detaje janë zbardhur lidhur me plagosjen me armë zjarri të ndodhur mbrëmjen e sotme në Lezhë.
I plagosuri është Vinçens Piroli 34-vjeç, i cili u transportua në spitalin e Lezhës nga një person ende i paidentifikuar, ndërsa më pasi ai u dërgua drejt Tiranës për mjekim më të specializuar.
Deri më tani ende janë të paqarta rrethanat dhe motivi i plagosje. Piroli është një person i shpallur në kërkim ndërkombëtar. Mali i Zi e kërkon pasi Vinçens Piroli së bashku me Dorjan Lalën kanë vrarë malazezin Momçillo Gjurishic.
Në 12 tetor të këtij viti, shefi i sektorit kundër kriminalitet dhe korrupsionit në Malin e Zi Aleksandar Boshkoviç deklaroi se dy shqiptarët janë të dyshuarit kryesorë për vrasjen më 4 korrik 2021 në Ulqin, pasi janë gjetur prova të mjaftueshme kundrejt tyre”.
Ngjarja dyshohet se lidhet me hakmarrjen. E ndërsa ishte në kërkim ndërkombëtar, Piroli lëvizte lirisht dhe sonte u qëllua duke mbetur i plagosur, ndërsa tashmë ndodhet në duart e drejtësisë.
