Policia Kufitare e Morinës ka ndaluar 36-vjeçarin turk Koray Aniç, të shpallur në kërkim ndërkombëtar.
Ai është dënuar për krime kundër personit dhe armëmbajtje pa leje.
Mësohet se 36-vjeçari ishte shpallur në kërkim ndërkombëtar, pasi Gjykata e Stambollit e ka dënuar me 4 vjet, 6 muaj e 5 ditë burgim, për rrëmbim, kanosje dhe armëmbajtje pa leje.
”Si rezultat i intervistimit të detajuar dhe shkëmbimit të informacionit ndërmjet Interpol Tiranës dhe homologëve në Turqi, u ndalua në hyrje të Shqipërisë, me qëllim ekstradimin në Turqi, shtetasi turk Koray Aniç, 36 vjeç”, njofton policia.
Vijojnë procedurat për ekstradimin e 36-vjeçarit, në Turqi.
