Banorët e zonës së “5 majit: ka shprehur arsyet e tyre përse nuk pranojnë që banesat e tyre të shemben në kuadër të projektit të rindërtimit.
Në emisionin “Opinion”, një nga banorët Fadil Mziu deklaroi se investimi për të cilin kishte marrë edhe një kredi bankare iu shemb, ndërsa Bashkia e Tiranës nuk i njeh katin e tretë që e kishte në proces legalizimi.
Gjithashtu, banori deklaron se nuk është dakord me vlerësimin që i është bërë nga bashkia ndaj pronës së tij.
“Këtë shtëpi Fevzi e kam ndërtuar unë. Ishte! Duke parë se ishte me letra, kam bërë një investim me kredi bankare. E kam akoma kolateral, e di shumë mirë Mazniku. Kati i tretë është në proces legalizimi dhe Zoti Mazniku nuk e njeh. Tjetër, më shumë për truallin. Nuk jam dakord me vlerësimin që ka bërë Bashkia sepse duke pasur një shtëpi të tillë me parkim, me kopsht, me rrugë që janë ndërtuar këto 3 vitet e fundit që ka qenë kryetar Erion Veliaj dhe arrita që të bëj investim tjetër duke parë një jetë më të mirë për fëmijët e mi. Tani thotë t’i fus në pallat me koeficent 1.5. Shteti ma ka vlerësuar mua dhe ia dhashë lekët. Janë të faktuara në bankë. Shteti e ka vlerësuar 300 metra katrorë, këtë tjerat nuk i njoh, duke qenë në proces legalizimi”, u shpreh Mziu./ Opinion.al
