Një ngjarje e rëndë ka ndodhur rreth orës 15:30 në Tiranë, ku një 13-vjeçare është rrëmbyer poshtë shtëpisë së saj sapo kishte zbritur nga furgoni i shkollës. E mitura është futur në një makinë Fiat Punto ngjyrë të kuqe.
Ndërkohë nëna e vajzës është shprehur për mediat se ajo vuan nga diabeti i tipit 1 dhe mjekohet me insulinë. Ajo bën gjithashtu me dije se 13-vjeçarja ka qenë e shoqëruar nga motra e saj gjatë rrëmbimit.
“Nga çfarë më ka raportuar vajza e vogël, kur ka zbritur nga furgoni rreth orës 15:15 ka qenë duke u kthyer, kur i ka lënë furgoni para pallatit, dikush i është afruar dhe i ka vënë diçka te goja dhe e ka marrë dhe e ka futur në makinë. Vajza është me diabet tipi 1 mjekohet me insulinë, duhet të ushqehet dhe duhet të bëjë insulinën. Tani duhet të pijë insulinë apidra, dhe insulinë lantus merr në darkë që e ka një herë në 24 orë” është shprehur nëna e vajzës.
Ajo thotë gjithashtu se familja e saj nuk ka asnjë konflikt me persona të tjerë gjë që mund të ngrinte pista se kush mund të jetë autori i kësaj ngjarjeje të rëndë. /Opinion.al
