Kanë nisur hetimet për administratorin dhe përgjegjësin e mirëmbajtjes së një hoteli në Tiranë, pak ditë pas ngjarjes së rëndë, ku një 28-vjeçar gjeti vdekjen pasi u rrëzua nga kati i 5-të.
Ajdin Mustafi ra nga kati i 5-të, pasi në momentin kur po qëndronte i mbështetur në hekurat e ballkonit në hotel, ato janë këputur. Fatkeqësisht si pasojë e plagëve të marra i riu nuk mundi të mbijetonte.
“Në vijim të dokumentimit të plotë të ngjarjes së ndodhur në bulevardin “Dëshmorët e Kombit” ku aksidentalisht ra nga lartësia e hotelit ku qëndronte dhe për pasojë ndërroi jetë shtetasi A.M, 28 vjeç, specialistët për Hetimin e Krimit në Komisariatin e Policisë Nr. 1, referuan materialet për shtetasin R. H,, 38 vjeç, me detyrë përgjegjës i mirëmbajtjes dhe shtetasin R. S., 49 vjeç, me detyrë administrator i hotelit, për veprën penale “Shkelja e rregullave të mbrojtjes në punë”, njofton policia. /Opinion.al
