Një 29 vjeçar nga Laçi ka rënë në pranga pasi shantazhonte një grua 48 vjeçe nga Lezha me publikimin e fotove intime. Policia tha se i arrestuari është 29 vjeçari G.Shkurti me banim në Adriatik të Kurbinit. Ndërsa e cënuara, gruaja me iniciale D.P, 48-vjeçe. Kjo e fundit ka denoncuar në polici dy ditë më parë se kishte paguar 1 150 euro të riut që i bënte presion, por ai nuk ishte mjaftuar dhe i kërkonte edhe dy mijë euro të tjera. Sipas burimeve, ata kanë qenë të lidhur dhe pas ndarjes, 29 vjeçari shantazhonte gruan me nxjerrjen në rrjetet sociale të fotove intime.
Njoftimi i policisë:
Specialistët për Krimet në Drejrorinë Vendore të Policisë Lezhë kanë ndaluar shtetasin: G. Shkurti, 29 vjeç, banues në Adriatik, Kurbin. Ky shtetats i ka marrë shtetases D.P., 48 vjeçe, nëpërmjet kërcënimit një shumë vlerash monetare prej 1150 Euro, me qëllim të mos i publikonte në rrjetet sociale foto intime të saj. Ky shtetas ka vijuar ta kërcënoje për ti marrë edhe shumën prej 2000 Euro. Materialet iu referuan Prokurorisë pranë Gjykatës së Shkallës së Parë për Krime të Rënda Tiranë për vepren penale “Shtrëngimi me anë të dhunës ose kanosjes për dhënie pasurie”, parashikuar nga neni 109/b/1 i Kodit penal.
