Një situatë e jashtëzakonshme ka ndodhur sot gjatë një interviste televizive me Dr. Vasil Llajon, kandidat i Partisë Socialiste në Qarkun e Vlorës.
Vetëm pak metra larg vendit ku po zhvillohej intervista, një i ri nga Saranda është përfshirë nga kriza epilepsie.
Pa humbur kohë, Dr. Llajo ka lënë intervistën dhe është nisur për t’i dhënë ndihmën e parë të riut, duke u treguar edhe një herë se mjeku mbetet gjithmonë në shërbim të jetës, pavarësisht rrethanave. Sipas burimeve të para, gjendja e djalit ka qenë e stabilizuar dhe fatmirësisht nuk ka pasur rrezik për jetën.
Dr. Llajo, së bashku me disa mbështetës të pranishëm, ka pritur ambulancën dhe është siguruar personalisht që djali të merrte trajtimin e nevojshëm.
Ky gjest human ka tërhequr vëmendjen dhe ka fituar vlerësimin e të pranishmëve, duke konfirmuar edhe një herë profilin human dhe profesional të Dr. Vasil Llajos.
