Rusia i refuzoi vizën senatorit amerikan, Ron Johnson, i cili do të udhëtonte drejt Rusisë në kuadër të një delegacioni kongresmenësh.
Si kryetar i Nënkomitetit të Senatit për Marrëdhënie me Jashtë, Johnson planifikoi të takonte zyrtarë të Qeverisë ruse, përfaqësues të bizneseve amerikane, dhe organizata të shoqërisë civile.
Në të kaluarën, senatori është shprehur kritik ndaj Rusisë, duke thënë, mes tjerash, se ajo “po merr një kthesë të errët” nën udhëheqjen e Kremlinit, Vladimir Putin.
Në njoftimin për refuzimin e vizës, Johnson tha se “rruga që Vladimir Putin ka zgjedhur për Rusinë është një tragjedi me përmasa historike”.
Ndërkaq marrëdhëniet midis SHBA-së dhe Rusisë janë përkeqësuar ndjeshëm prej kur Moska ka aneksuar gadishullin ukrainas të Krimesë në vitin 2014 dhe ka nisur mbështetjen për separatistët pro-rusë në lindje të Ukrainës./Opinion.al
