Autoritetet franceze në Fleury i kanë refuzuar kërkesën për azil një familjeje shqiptare, por kjo ka hasur në kundërshtimin e banorëve. I gjithë komuniteti ka dalë në mbrojtje të familjes shqiptare Seferaj, e cila po qëndron në mënyrë ilegale në Francë.
“Familja ka 7 vite që jeton këtu dhe fëmijët e saj janë nxënës në shkollën Fleury ku janë integruar mirë”, thotë Gwendoline Wattel, një nga prindërit e nxënësve të shkollës Fleurys.
Prindërit dhe nxënësit u mblodhën para sallës së bashkisë Fleury për të njoftuar krijimin e një solidariteti kolektive dhe për të rritur ndërgjegjësimin për situatën. Një kërkesë për shfuqizimin e detyrimit për t’u larguar nga territori tashmë ka mbledhur 567 nënshkrime.
“Ne duam t’u tregojmë atyre se i mbështesim ata, sepse kjo familje ka treguar gatishmërinë e saj për t’u integruar, duke marrë mësime të gjuhës franceze ose duke investuar në shoqata të ndryshme, siç është shtëpia e biçikletave, si dha ka qenë aktive te shoqata e prindërve”, tha një tjetër pjesëmarrës.
Një gjë e ngjashme ndodhi edhe në Danimarkë para disa ditësh, ku aktivistë danezë protestuan në aeroport kundër kthimit në Shqipëri të një familjeje shqiptare. Sipas aktivistëve, fëmija i sëmurë i familjes shqiptare kishte nevojë për trajtim të specializuar dhe duhej t’i jepej strehimi në Danimarkë./Opinion.al
