Vëllezërit Jonas prej pak kohësh janë bashkuar sërish në grupin e njohur të disa viteve më parë “Jonas Brothers”. Këto ditë ata kanë publikuar këngën e tyre më të fundit me titull “Cool”, e cila është pritur mirë nga fansat.
Por duket se vëmendjen e mediave botërore e kanë marrë partneret e tyre, të cilat e quajnë veten “Jonas sisters”, (motrat Jonas). Më parë është diskutuar se marrëdhënia mes tyre nuk është e afërt, por me foton e fundit vajzat duket se i kanë dhënë fund spekulimeve.
Ka qenë aktorja e njohur Priyanka Chopra, e cila ka publikuar një foto ku shfaqet së bashku kunatat e saj Sophie Turner dhe Danielle Jonas në avion. “Më në fund motrat Jonas sërish bashkë,”-ka shkruar ajo krahas fotos së publikuar në rrjete sociale. Tre bukuroshet kanë udhëtuar për t’u bashkuar me partnerët e tyre në mënyrë që të festojnë së bashku suksesin e këngës së re./Opinion.al/
