Artur Zheji dhe Armand Shkullaku janë shprehur sonte mbi deklaratën e bërë nga kryeministri Edi Rama të premten e kaluar në “Zonë e Lirë”, në lidhje me atë, ku gazetarë dhe analistë të njohur në vend i konsideroi “kazan mediatik”.
Zheji theksoi nga studio e emisionit “Opinion” se nuk duhet të merremi me kryeministrin me arsyen se ai nuk ekziston. Sipas tij, nëse analistët arrijnë ta shmangin në bisedë, vjen një ditë ku Rama të merr në telefon dhe të thotë flisni për mua se u harrova.
Ndërsa, Armand Shkullaku u shpreh se deklaratën e Edi Ramës nuk e merr seriozisht. Ai theksoi se tendenca për të gjetur fajin gjithmonë tek të tjerët është bërë baltë nga Rama.
Arjan Çani i ka nxjerrë fotot e personazheve mediatik dhe Rama është përgjigjur për secilin. Andi Tela i ‘Neës 24’, Baton Haxhiu, Shpëtim Nazarko dhe Lorenc Vangjeli kanë qenë të vetmit që nuk janë futur në kazanin e kryeministrit.
Përgjigjet e Edi Ramës:
Blendi Fevziu – Kazan mediatik
Evi Vasili – Kazan
Sokol Balla – Kazan
Rudina Xhunga – Nuk e kam ndjekur
Ylli Rakipi – Kazan
Artur Zheji – Kazan, as nuk diskutohet
Henri Çili – Kazan
Armand Shkullaku – Kazan
Andi Bushati – Thellë në kazan
Fatos Lubonja – Kazan
Baton Haxhiu – Jo kazan
Besart Kadia – Nuk e njoh
Andi Tela – Nuk është kazan
Robert Rakipllari – Kazan komplet
Shpëtim Nazarko – Nuk është pjesë e kazanit
Mustafa Nano – Kazan
Artan Hoxha (Analist) – Thellë në kazan
Ilva Tare – Kazan
Çim Peka – Asgjë tjetër përveçse kazan
Ilir Babaramo – Kazan
Lorenc Vangjeli – Nuk jeton me ato interesa
Arjan Çani – Ti je kazani i parë
