Katër persona në qytetin e Korçës mësohet të kenë kanosur dhe grabitur dy persona me shtetësi të huaj.
Sipas njoftimit të policisë, dy personat e dëmtuar i kishin kërkuar ndihmë punonjësve të Policisë, pasi 4 personat u kishin premtuar kundrejt fitimit, transportimin e tyre drejt Tiranës.
Por më pas i kishin kanosur, dhunuar fizikisht dhe iu kishin vjedhur 3 aparate celulari, 350 euro, si edhe çantat e tyre personale.
Në prangat e bluve kanë rënë 19-vjeçari me iniciale M.R, 20-vjeçari me iniciale K.D, 19-vjeçari me iniciale A,G dhe 19-vjeçari me iniciale K.l.
Sipas policisë dyshohet se personat e mësipërm janë autorë të dyshuar edhe të dy ngjarjeve të tjera të ndodhura në qytetin e Korçës në Dhjetor, ku kanë vjedhur me dhunë 4 persona të huaj, të cilëve iu kanë marrë 4 aparate celulare dhe shumën prej 440 euro.
Në cilësinë e provës materiale janë sekuestruar disa celularë të vjedhur. Materialet i kaluan Prokurorisë pranë Gjykatës të Shkallës së Parë Korçë, për veprën penale “Vjedhja me dhunë, kryer në bashkëpunim”./Opinion.al/
