Një tjetër dëshmi është publikuar lidhur me vrasësin e djalit 12 vjeçar në Palasë të Vlorës, të cilit iu pre koka nga personi me të meta mendore.
Petro Milo, komshi i Jorgo Zanit, deklaron se prej disa ditësh Zani ishte në krizë dhe fqinjët kishin të njoftuar të atin në telefon, por ai kishte qëndruar vetëm një javë me të birin. Milo tregon se autori i krimit monstruoz Jorgo Zani është shtruar edhe para dy muajsh në Psikiatri.
“Zani ishte i çmendur, ka qenë në psikiatri. Para 2 muajsh u shtrua 10 ditë në psikiatri, kur u rikthye nga spitali, tregonte agresivitet. Para pak ditësh ishte në krizë, morëm të atin në telefon. I ati erdhi në fshat, qëndroi rreth një javë me Jorgon”.
Ndër të tjera banori tha se Jorgo kërkonte në fshat edhe femra. “Donte femra për seks”, thotë Milo.
Sipas tij, banorët e fshatit janë ankuar qindra herë për Jorgon.
“Jorgo Zani është shoqëruar disa herë në polici. Zani ishte shtruar disa herë në spital, merrte kura ilaçesh, kur i mbaronte kura gjendja e tij perkeqesohej”-tha banori për News 24.
