Kërcimtarja kryesore Anastasia Gurskaya arriti të arratisej me kohë, kolegu i saj Oleksii Potiomkin zgjodhi të shkonte në betejë, duke postuar një foto kamuflazhi në rrjetet sociale.
Artem Datsishin, nga ana tjetër, balerini kryesor i Operës së Kievit, nuk kishte kohë as të kuptonte se si të lëvizte, sepse raketat ruse e goditën atë vetëm dy ditë pas fillimit të luftimeve, duke e plagosur rëndë: tre javë më vonë, ka ndërruar jetë në spital.
Tani bota e artit e mban zi, bashkë me aktoren e njohur në vendlindje, Oksana Shvets. Mbetet emocioni në rrjetet sociale i atyre të shumtëve që i njohën dhe i admiruan apo që thjesht mbeten të habitur përballë tmerreve të një konflikti që përveç kaq shumë civilëve, gra e fëmijë, merr edhe talentin. Artem Datsishin në moshën 43-vjeçare ishte një nga kërcimtarët më të njohur në skenën botërore. Romantizmi i tij, klasi i tij, shkëlqimi i tij shprehës mbeten të përjetësuara në rolet e Princit Siegfried në Liqenin e Mjellmave ose të luftëtarit Solor në La Bayadère. Si dhe në Arrëthyesi, Bukuroshja e Fjetur, Xhisiela dhe Romeo dhe Zhuljeta. Nuk ka baletë të mrekullueshëm që ai nuk i ka bërë turne nëpër botë, nga Evropa në Shtetet e Bashkuara, në Japoni. I lindur në Kherson, në Detin e Zi, një qytet tjetër i shkatërruar nga bombat, ai kishte fituar çmimin Serge Lifar në 1996 dhe Rudolf Nureyev në 1998./Opinion.al
