Shtetasi, Fatjon Koçllari i përfshirë në skemën e trafikimit të emigrantëve nga Lindja e Mesme në Shqipëri ka kërkuar nga Gjykata bashkimin e dënimeve për të.
GJKKO ka vendosur të rrëzojë kërkesën e bërë nga ana e tij.
Koçllari akuzohet se merrte deri në 10 mijë euro për një emigrant.
Emigrantët që vinin nga vendet e Lindjes së Mesme, priteshin në Shqipëri nga Koçllari dhe më pas akomodoheshin me anë të ndihmësve të tjerë, në Vlorë, Fier apo dhe Tiranë.
Njoftimi:
1.Kërkuesi Fatjon Koçllari më datë 04.03.2024 ka paraqitur pranë Gjykatës kërkesën me objekt: “Bashkim dënimesh”.
2.Në përfundim të gjykimit Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, me Vendimin Nr. 149, datë 14.05.2024 vendosi:
1.Rrëzimin e kërkesës si të pabazuar në ligj.
2.Shpenzimet gjyqësore i ngarkohen kërkuesit.
3.Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda 15 (pesëmbëdhjetë) ditëve, duke filluar ky afat nga e nesërmja e njoftimit të këtij vendimi.
