Një ngjarje e rëndë ka ndodhur në qytetin e Shkodrës pasditen e sotme, kur një punonjës i OSHEE është plagosur me thikë. Të dhënat e para bëjnë me dije se 55-vjeçari Zamir Volaj, me detyrë punonjës i OSSHE-së në Shkodër i ka ndërprerë energjinë elektrike Martin Zefit rreth 47 vjeç, banues në Oblikë të Anës së Malit në Shkodër. Ky i fundit e ka zgjidhur problemin me ane te thikes.
Nga sa mësohet, disa ditë më parë Zamir Volaj ka shkuar në banesën e tij në zonën e palleteve të Oblikës dhe për shkak të borxhit që 47-vjeçari Martin Zefi kishte ndaj operatorit të shpërndarjes, i ka ndërprerë energjinë elektrike.
Martin Zefi duke qenë se punonjësi i OSSHE-së ka qenë në zonë për efekt pune, ky i fundit është përplasur me 47-vjeçarin, fillimisht duke u konfliktuar e më pas debati ka degjeneruar deri në përdorimin e thikës nga ana e Martin Zefit.
Punonjësi i OSSHE-së është dërguar në spitalin e Shkodrës dhe ndodhet në gjendje të rëndë për jetën, ndërsa policia ka bërë të mundur arrestimin e 47-vjeçarit Martin Zefi, i cili është edhe autori i plagosjes.
Në zonën e pallateve të Oblikes ka pasur vazhdimisht konflikte mes banorëve dhe OSSHE-së për shkak se kjo zonë është debitore ndaj operatorit të shpërndarjes.
