Jo Johnson, vëllai i vogël i kryeministrit Boris Johnson,ka dhënë dorëheqjen si deputet dhe ministër, duke thënë se ai është “i ndarë mes familjes dhe interesit kombëtar”.
Ministri i biznesit dhe deputeti i Konservatorve për Orpington, në jug-lindje të Londrës, tregoi për një “tension të pazgjidhshëm” në rolin e tij.
Johnson votoi kundër Brexit në referendumin e BE 2016, ndërsa vëllai i tij bashkë-drejtoi fushatën për të dalë nga Bashkimi Europian.
Dorëheqja vëllait të kryeministrit Johnson vjen pas përjashtimit të 21 deputetëve konservatorë pasi mbështetën lëvizjet e parlamentit për të parandaluar një Brexit pa marrëveshje.
Jo Johnson dha dorëheqjen si ministër edhe vitin e kaluar në shenjë proteste ndaj marrëveshjes së Brezitit të Theresa May.
Por ai u rikthye përsëri në qeveri gjatë verës, pasi anëtarët e Partisë Konservatore zgjodhën vëllain e tij si drejtues.
Dorëheqja e Z. Johnson gjithashtu vjen kur qeveria njoftoi se do t’u jepte deputetëve një shans tjetër të votonin për zgjedhjet e parakohshme të hënën.
Një zëdhënës i Downing Street tha: “Kryeministri do të donte të falënderonte Jo Johnson për shërbimin e tij. Ai ka qenë një ministër i shkëlqyer, i talentuar dhe një deputet fantastik.
“Kryeministri, si politikan dhe vëlla, e kupton se kjo nuk do të kishte qenë një çështje e lehtë për Jo. Zgjedhësit e Orpington nuk mund të kishin kërkuar një përfaqësues më të mirë.” /Opinion.al
