Dje policia e Korçës, njoftoi për arrestimin e shtetasit Gani Xhambazi, mosha 69 vjeç, i cili pas një konflikti me fqinjin ishte drejtuar për në shtëpi për të marrë armën e zjarrit, të cilën më pas ua ka drejtuar policëve.
Sot janë zbardhur plotësisht rrethanat e ngjarjes dhe të konfliktit që ky shtetas kishte me fqinjin e tij.
Sipas Policisë, Xhambazi i kërkonte marrëdhënie seksuale fqinjës së tij, çka ka bërë që të nisë konflikti me bashkëshortin e saj.
Gruaja, nënë e dy fëmijëve të mitur përballej herëpashere me ngacmimet seksuale të fqinjit të saj, dhe për këtë kishte vënë në dijeni edhe bashkëshortin e saj 47 vjeçar.
Të martën në mbrëmje, Xhambazi ka ngacmuar sërish në gjendje të dehur fqinjen, çka ka sjellë edhe përplasjen e dhunshme me bashkëshortin e saj.
Të dy palët jetonin në të një njëjtën godinë, ku strehohen familjen në nëvojë ekonomike.
Por nuk ka mbaruar këtu, pasi Xhambazi ka tentuar të qëllojë edhe mbi 4 policët që shkuan për ta ndaluar, por vetëm bllokimi i armës ka bërë që të mos kryhet qitja. D.l
