Një person është gjetur i pajetë sot rreth orës 05:30 në bregdetin e Durrësit. Autoritetet njoftojnë se bëhet fjalë për një 80-vjeçar i identifikuar me inicialet shtetasi Xh.K., banues në Durrës.
Dyshohet se i moshuari ka humbur jetën pasi ka pësuar arrest kardiak. Ai ka gjetur vdekjen teksa ishet duke shëtitur në bregdet në zonën mes ‘’Hekurudhës’’ dhe ‘’Ilirisë’’.
Deri tani dyshohet se i moshuari ka vdekur nga një shkaqe natyrale, ndërkohë një grupi hetimor po punon për zbardhjen e rrethanave të ngjarjes.
Njoftimi i policisë
Durrës/Informacion paraprak
Më datë 14.07.2020, rreth orës 05:30, në lagjen nr.13, Plazh, Durrës, në rërë të breg detit, është gjetur pa shenja jete shtetasi Xh.K., rreth 80 vjeç, banues në Durrës.
Nga këqyrja paraprake nuk janë konstatuar shenja dhune.
Grupi hetimor po punon për zbardhjen e rrethanave të ngjarjes./ Opinion.al
