Një 24-vjeçar është ndaluar nga policia pasi akuzohet se me anë të kanosjes i ka marrë disa shuma parash shtetases E. Gj.
Pas kallëzimit të bërë nga shtetasja E. Gj se në periudha të ndryshme kohore, nëpërmjet kërcënimeve shtetasi E. R. i ka marrë një sasi lekësh, policia ka ndaluar 24 vjeçarin E. R., banues në Tiranë.
24-vjeçari akuzohet për veprën penale “Shtrëngim me anë të kanosjes për dhënie pasurie”.
Njoftimi i policisë:
Ndalohet 1 shtetas, për veprën penale “Shtrëngim me anë të kanosjes për dhënie pasurie”.Specialistët për Hetimin e Krimeve ndaj Personit në DVP Vlorë, në bashkëpunim me Forcën Operacionale në DVP Vlorë dhe Forcën Operacionale në Drejtorinë e Përgjithshme të Policisë së Shtetit, bënë kapjen dhe ndalimin e shtetasit E. R., 24 vjeç, banues në Tiranë.
Ndalimi i tij u bë pasi shtetasja E. Gj. ka bërë kallëzim se në periudha të ndryshme kohore, nëpërmjet shtrëngimit me anë të kanosjes për dhënie pasurie, shtetasi E. R. i ka marrë një sasi lekësh.
Vijojnë hetimet për dokumentimin e plotë të rrethanave të ngjarjes.
Materialet i kaluan Prokurorisë së Rrethit Gjyqësor Vlorë, për veprime të mëtejshme.
