Aktualitet

I mori para vajzës së pacientes me Covid, del nga burgu Tire Alldervishi


Bëhu pjesë e Grupit Zyrtar të Opinion.al
>> KËTU <<
               Publikuar në : 11:38 - 16/07/21 |
Opi Nion

Gjykata ka lënë të lirë këtë të premte sanitaren, Tire Alldervishi,  të spitalit ‘Shefqet Ndroqi’ , e cila u vu në pranga nën akuzën për korrupsion.  Mësohet se ndaj saj është caktuar masa ‘arrest shtëpie’. Vendimi është dhënë pas kërkesës për zëvendësim të masës.

Tire Alldervishi, sanitare, u hoq si infermiere dhe i mori vajzës së një pacienteje me COVID 8 milionë lekë të vjetra. Pacientja ndërroi jetë nga COVID-19 dhe nga bisedat me të bijën është zbuluar trajtimi çnjerëzor.

Vajza e pacientes me COVID që prej 28 ditësh ishte shtruar te “Shefet Ndroqi” kallëzoi në polici se Tire Alldervishi i ka marrë çdo ditë rreth 5.000-6.000 lekë duke i premtuar se do të kujdesej për nënën e saj, por më pas rezultoi se ajo e la edhe pa ngrënë.

Kujtojmë se më 11 mars, Gjykata e Apelit ka liruar dy infermieret e spitalit Shefqet Ndroqi, Sheqerije Koçi dhe Mira Bushi të akuzuara si bashkëpunëtore të Tire Alldervishit. Nga masa arrest me burg, dy infermieret u liruan nën masën detyrim paraqitje. Po kështu Apeli liroi më herët dhe një sanitare dhe infermiere, të spitalit “Shefqet Ndroqi”, më konkretisht infermieren Sidorela Kola dhe sanitaren Rukie Hoxha./Opinion.al

Pas