Një 26-vjeçar është ndaluar nga policia e Tiranës pasi akuzohet për veprën penale “Shtrëngimi me anë të kanosjes ose dhunës për dhënien e pasurisë“.
Policia njofton se nga hetimet hetimet e kryera ka rezultuar se ky shtetas, në periudha të ndryshme kohore, ka shtrënguar me anë të kanosjes për dhënie pasurie duke i marrë një shumë të përgjithshme prej 16.000 euro shtetasit S. A., 23 vjeç. Ndërsa shtetësja D. B, 23-vjeç, ka pasur dijeni për ngjarjen dhe nuk ka kallëzuar.
Ajo është proceduar penalisht ndërkohë për veprën penale “Moskallëzim Krimi”.
Po në vijim të hetimeve ka rezultuar se shtetasi i dëmtuar, pas shantazheve që i bënte 26-vjeçari me iniciale M. M., ka kryer transferta të lekëve në drejtim të tij, në periudha të ndryshme kohore.
Materialet i kaluan Prokurorisë së Rrethit Gjyqësor Tiranë, për veprime të mëtejshme./ Opinion.al
