Një 23-vjeçar ka mbetur i plagosur ditën e sotme në qytetin e Korçës. Lajmi, i cili është konfirmuar nga policia bënë me dije se ngjarja ka ndodhur prej një konflikti çasti.
I riu me iniciale K. L., sipas policisë është plagosur me armë zjarri në këmbë nga një i mitur 17-vjeçar i identifikuar me iniciale Th. Th., në lagjen nr.14, Korçë.
23-vjeçari është dërguar në spital dhe ka marrë ndihmën e parë mjekësore, teksa raportohet se është jashtë rrezikut për jetën .
“Më datë 28.04.2021, rreth orës 10:55, në lagjen nr.14, Korçë, pas një konflikti të çastit, shtetasi Th. Th., rreth 17 vjeç, banues në Korçë, dyshohet se ka plagosur me armë zjarri në këmbë, shtetasin K. L., rreth 23 vjeç, i cili u dërgua në Spitalin e Korçës dhe ndodhet jashtë rrezikut për jetën.
Nga ana e Policisë po kryhen veprimet proceduriale dhe po punohet për kapjen e autorit të dyshuar”, thuhet në njoftimin e policisë./Opinion.al
