Policia e Fierit ka njoftuar se vijon megaoperacioni policor antidrogë i koduar “Tempulli”, si dhe zbatimi i masave të parashikuara në Paketën për Sigurinë në shkolla.
Në kuadër të këtij operacioni, është goditur një tjetër rast i shitjes në afërsi të shkollave, i lëndëve të dëmshme për shëndetin e nxënësve.
Policia bën me dije se në katin e parë të një lokali, i cili ishte përshtatur për përdorim droge dhe për shitjen e lëndëve të tjera të rrezikshme si tollumbace me Azot, janë vënë në pranga 3 persona dhe është bllokuar ambienti i përshtatur për këto veprimtari kriminale.
Si pasojë e konsumimit të tollumbaceve me Azot, një 15-vjeçar ka shkuar në spital, në gjendje të rëndë shëndetësore.
Gjithashtu është sekuestruar një bombul me 50 litra azot, një sasi lënde narkotike cannabis sativa, e ndarë në doza, një mjet grirës për të, 250 tollumbace që shërbenin për t’i mbushur me Azot dhe sende të tjera të kundërligjshme./Opinion.al
