Gjykata e Sheffield Crown dëgjoi dëshminë e shtetasit shqiptar Emanuel Marku, 22 vjeç, i cili u kap në papafingo duke u kujdesur për 109 bimë kanabisi.
Shqiptari tha se kishte një borxh të madh në Shqipëri për shkak të lojërave të fatit dhe abuzimit me drogën.
Marku pretendoi se familja e tij ishte kërcënuar dhe atij iu ofrua punë ilegalisht në Mbretërinë e Bashkuar për të shlyer borxhin.
22-vjeçari pretendoi se ai ishte vënë në punë për rritjen e kanabisit pasi mbërriti në MB i fshehur në një kamion.
Shqiptari i tha trupës gjykuese se borxhi i tij ishte rritur në 30,000 £ dhe se ai do të fitonte 6,000 £ nga rritja e bimëve narkotike, vlerë që do të zbritej nga borxhi.
22-vjeçari nuk ka asnjë dënim të mëparshëm, por u deklarua fajtor për prodhimin e kanabisit të klasit B.
Avokati i tij, Derek Barry, i tha gjykatës se Marku humbi një fëmijë tre muajsh dhe pas tragjedisë ai filloi të përdorte kokainë dhe luante kumar.
