Aksidenti tragjik i autobusit me shqiptarë të Kosovës në Slavonski Brod të Kroacisë ka tronditur qytetarët në të dyja anët e kufirit. 10 persona humbjën jetën e më shumë se 40 të tjerë janë lënduar, ndërësa në mjet udhëtonin edhe fëmijë. Mes viktimave gjendet edhe një prej dy shoferëve të autobusit.
Në një lidhje direkte për Radio Televizionin e Kosovës dy nga personat që i kanë mbijetuar këtij aksidenti kanë treguar se si ndodhi ngjarja.
“Ka ndodh brenda një minute. Vetëm kemi parë se është rrëzuar autobusi. Kemi parë kiamet. Shoferët kanë qenë në gjumë. Ata janë ndërruar kohë pas kohe”, ka thënë njëri prej të mbijetuarve.
Ndërkohë një tjetër prej udhëtarëve në mjetin që udhëtonte në linjën Frankfrut- Prishtinë, është shprehur: “Autobusi ka shkuar zvarrë diku rreth 100 metra. Të lënduarit janë më mirë”.
Ministria e Jashtme në Prishtinë deklaroi zyrtarisht se nga aksidenti tragjik në Kroaci kanë humbur jetën 10 shqiptarë të Kosovës, 44 kanë marrë ndihmë mjekësore si pasojë e lëndimeve, ndërsa 15 janë në gjendje më të rëndë. Fatmirësisht mes viktimave nuk ka patur fëmijë./Opinion.al
