Një nga të mbijetuarit në aksidentin e autobusit me shtetas të Kosovës, ka treguar për mediat kroate momentet e rënda që shoqëruan ngjarjen. Romeo Gashi ka thënë për Radio Televizionin Kroat (HRT) se pas aksidentit ka parë gjithçka, njerëz të vdekur e të lënduar.
“Diçka shpërtheu për një sekondë, pashë gjithë ata njerëz nëpër gjithë livadhin atje poshtë, në atë kanal pranë autostradës. Unë i pashë të lënduarit, të vdekurit, pashë gjithçka, njerëz pa krah, pashë gjithçka, gjithçka”, tha ai për HTV.
Përmes një deklarate policia kroate ka dhënë detajet e aksidentit që u mori jetën 10 personave mes të cilëve edhe një prej shoferëve dhe ku mbetën të plagosur më shumë se 40 të tjerë.
Në deklaratën e Policisë thuhet se autobusi me 67 pasagjerë dhe dy shoferë, doli nga autostrada. Drejtori i spitalit rajonal, Dr. Josip Samarxhiq tha se 45 persona kishin kërkuar ndihmë mjekësore pas këtij aksidenti të rëndë në autostradë afër qytetit Slavonski Brod, dhe se tetë prej tyre u lënduan rëndë.
Mendohet se shoferin që drejtonte mjetin e ka zënë gjumi në momentin që ndodhi ngjarje. Mediat kroate thonë se shoferët e autobusit nga Kosova kishin pushuar në Bregana për gjysmë ore para aksidentit. Aty ata ishin ndërruar dhe drejtimin e autobusit e kishte marrë shoferi tjetër, i cili tashmë është ndaluar nga policia./Opinnion.al
Vidio sam ozlijeđene, umrle, vidio sam svašta, bez ruke, svašta sam vidio, ispričao je za HRT Ramo Gashi, jedan od putnika autobusa https://t.co/Is8zgNjhqc #crnakronika pic.twitter.com/rXQM3RcLgv
— HRT vijesti (@hrtvijesti) July 25, 2021
