Policia në Durrës ka arrestuar një 61-vjeçar kosovar, pasi ishte në kërkim ndërkombëtar.
Ai u ndalua në Portin e Durrësit në tentativë për të dalë nga Shqipëria, pasi rezultoi se është në kërkim ndërkombëtar nga Bullgaria.
61-vjeçari kërkohet për vrasje në tentativë dhe vjedhje në rrethana rënduese.
“Ndalohet në dalje të Shqipërisë, një shtetas kosovar i kërkuar ndërkombëtarisht nga autoritetet në Bullgari, për tentativë për vrasje dhe për vjedhje në rrethana rënduese.
Ky shtetas, i dënuar më parë në Bullgari, është shpallur në kërkim ndërkombëtar nga autoritetet e këtij shteti, pasi i është caktuar masë sigurie “Arrest në burg”, për veprat penale “Vrasja”, mbetur në tentativë, dhe “Vjedhja në rrethana rënduese”.
Vijon bashkëpunimi për ekstradimin e 61-vjeçarit, në Bullgari”, njofton policia.
