Presidenti i Serbisë, Aleksandër Vuçiç është shprehur ditën e sotme se e zotëron një pjesë të regjistrimit të bisedave të tij të përgjuara.
Në një deklaratë për mediat serbe, Vuçiç ka thënë se nuk do ti bëjë publike këto të dhëna pasi nuk do që të shkatërrojë vendin.
“Unë i mbaj ato regjistrime dhe nuk do t’jua jap, sepse nuk do ta shkatërroj vendin tim, sepse besoj në pjesën e tyre dhe në ndershmërinë e njerëzve në këtë vend”. Dhe besoj se interesat e tyre të huaj nuk do të jenë përpara interesave të Serbisë ”, deklaroi Vuçiç.
Mediat serbe bëjnë me dije gjithshtu se Presidenti Vuçiç është i bindur se autoritetet do ta bëjnë punën në përputhje të plotë me ligjin.
“Unë nuk do të merrem me të. Shteti ynë ekziston, ndryshe nga të tjerët që ekzistojnë vetëm në letër dhe drejtohen nga shërbime të huaja. “Serbia është një nga shtetet e pakta të pavarura dhe ne mund të jemi krenarë për këtë,” ka thënë Vuçiç.
Presidenti serb ka shtuar ndër të tjera se e di kush qëndron pas këtij përgjimi dhe beson se autoritetet kompetente do të hetojnë rastin deri në zbardhjen e plotë të tij.
Kujtojmë se në 31 dhjetor, presidenti i Serbisë, Aleksandar Vuçiç, deklaroi për “TV Pink” se ai ishte përgjuar nga shërbimet e brendshme dhe se autoritetet kompetente do të përcaktojnë nëse ato ishin të lidhur me shërbime të huaja./Opinion.al
