Është ndarë nga jeta në moshën 75-vjeçare aktori Guljelm Radoja.
Aktori ishte i infektuar nga COVID-19 dhe prej disa ditësh ndodhej në Intubim. Radoja mbante titullin “Artist i Merituar”.
Lajmi është konfirmuar nga djali i tij, pianisti Red Radoja, teksa shkruan edhe disa fjalë të ndjera për babanë e tij që nuk jeton më.
“Pushofsh në paqe bab! Do ndrijnë akoma sytë e tu mbi ballin e vajzës, djalit, mbesave dhe nipit të vogël“, shkruan ai.
Artisti Guljelm Radoja ka luajtur në të gjitha skenat teatrore në vend. Në kinematografi është angazhuar në shumë rreth 30 role, ku ndër më të rëndësishmit është ai i Petro Nini Luarasit te filmi “Kush vdes në këmbë” apo edhe te , “Gjurma”, “Mësonjëtorja”, “Kthimi i ushtrisë së vdekur”, “Kolonel Bunker” etj.
